أخبار الفن

نادين نسيب نجيم تحدد سبب شهرتها

نادين نسيب نجيم تحدد سبب شهرتها

أحدثت الفنانة اللبنانية نادين نسيب نجيم ضجة بسبب تعليق نشرته على حسابها الخاص على تطبيق الصور والفيديوهات “إنستغرام” وبدا أنها ترد من خلاله على بعض التعليقات التي تشير إلى أنها حققت شهرتها بفضل عملها مع آخرين وتحديداً مع الممثلين السوريين.

ويبدو أن هذا أدى إلى استفزازها حيث ردت: “صباح الخير متل العادة كل ما بيكون عندي عمل جديد بسمع هون وهون نفس الأسطوانة: لو ما جماعتنا ولو ما فلان ولو ما السوريين. على أساس أنا اللبنانية الوحيدة يلي اشتغلت مع جماعتكم.

كتار اشتغلوا بس الفرق إنه مش الكل حصد نفس النجاح لأنه بكل بساطة تعبي وجهدي خلال هل السنين وموهبتي هني من صنع ربي ونعمة من ربي وطموحي وإصراري على النجاح بيرجع لمجهود شخصي وهيدي المهنة بتساع الكل وما بكمّل غير القوي وما بينجح غير الشاطر وشكراً على كل حال لكل حدا مرء بحياتي لأنه النجاح بده دعم وبده فريق وبده شركة محترمة وبده كمان شريك ناجح”.

وأضافت: “بفتخر بكل انسان اشتغلت معه من أصغرهم لأكبرهم ومن فنيين ومن فنانين.

مع الأسف بعد في ناس بتفكر إنه في حدا بالغصب بيقدر يصنع نجاح حدا اذا ما كان بيستاهل.

ولو كانت الحياة بهل السهولة كانت كل الناس نجحت بكافة المجالات! الفرص بتجي للكل وحده الشاطر الذكي يلي بيقدر يترك بصمة خاصة ونجاح مستمر والحمدالله على كل شيء أتمنى يكون كلامي نقطة تنهي هل جدل المستمر يلي ما اله اي طعمة غير يخلق حساسيات ومشاكل بين الناس”.

وبعد أن تعرضت لبعض الانتقادات أجابت: “غريب الناس كأنها ما قرأت شو كتبت! قلت بفتخر بكل حدا اشتغلت معه والنجاح بده دعم من فريق وشريك و شركة! شو معناتها هل حكي؟ بكون نكرت جميل جدا أو اتجاهلت النجوم أو الفريق أو المخرج؟ كيف بتفهموا وبتفسروا الاشيا غريب! انتوا يلي ما بدكن تعطوا حق لتعب الناس وعم تنكروا تعب الناس! كلامي كان واضح إلا اذا بدكم تعملوا بالقوة مشكل”.

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق